ഇരുള്‍ മൂടുമി വഴിത്താരയിലെപ്പൊഴോ
നിന്നെക്കുറിച്ചോര്‍ത്തു നടന്നു പോയ് ഞാന്‍
ഇരുളും വെളിച്ചവും കലരുമീ താഴ്വരയില്‍
നിന്നെയും തിരഞ്ഞു നടന്നു പോയ് ഞാന്‍
നീയെന്‍റെ സ്വപ്നങ്ങള്‍ക്ക് നിറച്ചാര്‍ത്തെകിയ ll
ഏഴു വര്‍ണ്ണങ്ങളുള്ളോരു രാജകുമാരിയല്ലയോ
നീ നടന്നു നീങ്ങുന്ന വഴിയിലൂടെ
നിന്നെയും തന്നെ ഞാന്‍ നോക്കി നില്‍ക്കും
നീ പോയ് മറയുമ്പോള്‍ തിരിച്ചുവരാനാകാത്തത്ര
അകലേക്കാണ് നീ പോകുന്നതെന്ന് ഞാനോര്‍ക്കും
ആ വാകമരത്തണലും വിദ്ദ്യാലയാങ്കണവും നമ്മെ തഴുകി
കടന്നു പോയ ഇളം തെന്നലും നിഷ്ക്കളങ്ക ബാല്യവും
എന്നെ നിന്ന്നെക്കുറിച്ചോര്‍മ്മിപ്പിക്കുന്നു
തിരിച്ചു വരില്ലെന്നറിയാമെങ്കിലും ആ കാലം
ഓര്‍മ്മകളിലൂടെ ഞാനത് തിരിച്ചു പിടിക്കുന്നു
ഇനിയൊരു ജന്മമുണ്ടോയെന്നറിയില്ല
എങ്കിലും ഞാന്‍ കാത്തിരിക്കുന്നു സഖി - നിനക്കായ്
